Menu

 

v logfraediferd

Nemendur sem nú eru á lokaári sínu í þriggja ára kerfi gafst kostur á meira vali en áður hefur verið í ML. Einn valáfanginn skiptist í þrjár lotur, lögfræði, bókfærslu og hagfræði, og hann stunda 22 nemendur, bæði af náttúruvísindabraut og félags- og hugvísindabraut.

Fimmtudaginn 14. september lagði hópurinn af á Selfoss í morgunsárið. Fyrsta stopp var hjá Sverri Sigurjónssyni, héraðsdómslögmanni, hjá LAND lögmönnum. Hann gaf innsýn í dagleg störf lögfræðinga, útskýrði t.d. muninn á lögmönnum og lögfræðingum, sagði frá því hversu fjölbreytt málin eru og tók dæmi um mál sem voru á borðinu þann daginn. Sverrir var opinn fyrir spurningum. Sem dæmi voru nemendur forvitin um meðferð sakamála, t.d. varðandi vitnavernd, ábyrgð lögmanna þar sem allir eiga rétt á vernd og hvernig samstarf lögmanna og lögreglunnar væri háttað. Einnig svaraði hann spurningum um það hvernig lögfræðinámið er og margt fleira kom til tals.

Næst lá leiðin í Héraðsdóm Suðurlands sem er í næsta húsi. Sólveig Ingadóttir aðstoðardómari byrjaði á því að lýsa sætaskipan og fyrirkomulagi í réttarsalnum. Hún leiddi okkur svo í allan sannleikann um það hvernig ferlið er þegar mál eru rekin fyrir dómstólum. Afskaplega áhugavert og fróðlegt. Það er mikill fengur í því að fara út fyrir skólastofuna og hitta sérfræðinga á vettvangi. Við þökkum kærlega fyrir móttökurnar.

Fleiri myndir má sjá hér.

Freyja

enska25 denmark25 poland25 german frakkland30 spann25

bokalistinn

Ýmislegt

Inna Moodle
Mötuneyti Mímir
NEMEL Útskrifaðir stúdentar
Heilsueflandi framhaldsskóli Grænfáninn
Foreldrafélag ML Vefmyndavél ML

Viltu senda inn athugasemd?

Er eitthvað sem þér finnst vanta á þessa síðu?

Sendu póst