Frakkar í heimsókn

Details

Skrifað apríl 04 2018

Þessa dagana eru 36 frakkar í heimsókn hjá okkur í ML. Þeir komu í gær, 3. apríl og munu dvelja hjá okkur í níu daga. Frakkarnir eru framhaldsskólanemendur í jarðfræðiferð með tveimur kennurum. Gestgjafar þeirra hér eru nemendur í 2N og munu nemendur beggja skóla m.a. fara í ferðir saman, sem og taka þátt ýmsum öðrum uppákomum sem Heiða Gehringer náttúrufræðikennari heldur utan um, og nýtur við það aðstoðar ýmissa annarra kennara við skólann. Á myndinni sem fylgir er María Carmen Magnúsdóttir íþróttafræðingur að undirbúa nemendur fyrir ratleik um Laugarvatn.

VS

Árshátíð ML

Details

Skrifað mars 31 2018

Föstudagskvöldið 16. mars var glæsileg árshátíð ML haldinn í Aratungu. Veislugestir voru allir búnir í sitt fínasta púss, salurinn fallega skreyttur, kórinn söng, Svenni kokkur og starfsfólk hans reiddu fram dýrindis veislumáltíð, Jón Bjarnason leiddi dans – þarna var allt sem prýðir hina fínustu veislu. Sem oftar segja myndirnar sem Álfheiður Björk Bridde vef- og markaðsfulltrúi tók, meira en mörg orð. Þær eru hér.

Nú er allt þetta prúðbúna fólk komið í páskafrí, skóli hefst að nýju miðvikudaginn 4. apríl.

Gleðilega páska!

VS