Vortónleikar kórs Menntaskólans að Laugarvatni verða haldnir í Héraðsskólahúsinu á Laugarvatni miðvikudaginn 2. maí, kl. 20:30.
Á dagskrá er fjölbreytt íslensk og erlend tónlist og nokkrir kórfélagar syngja einsöng með kórnum.
Aðgangseyrir er hóflegur, en það verður ekki posi á staðnum.
Stjórnandi kórsins er Eyrún Jónasdóttir.
Kórinn var stofnaður s.l. haust og hefur komið fram fjórum sinnum síðan: á tónleikum með Vörðukórnum, í Aratungu í nóvember, á árshátíð skólans og á tónleikum með fyrrum kór skólans í Háteigskirkju í mars og loks söng kórinn nokkur lög þegar mennta- og menningarmálaráðherra heimsótti Laugarvatn fyrir skemmstu.
Félagar í kór ML eru 55 eða um þriðjungur nemenda skólans.
(fréttatilkynning)
– til deilingar á samskiptamiðlum –
