Hlutverk mötuneytisráðs er að ræða þau mál sem snerta þjónustu mötuneytisins við nemendur, kvartanir nemenda, skyldur nemenda gagnvart mötuneytinu s.s. umgengni, aðstöðu, áætlanir o.fl.

Mötuneytið er sjálfseignarstofnun rekin á svonefndum núllgrunni.  Dagleg stjórnun er í höndum matreiðslumeistara og sér hann m.a. um ráðningar starfsfólks, vörukaup og matreiðslu alla.  Gjaldkeri sér um greiðslu reikninga, launafgreiðslu, innheimtu og viðskiptamannabókhald.  Skólameistari er yfirmaður mötuneytisins í umboði skólanefndar.

Í mötuneytinu stendur nemendum og starfsfólki til boða hollur og góður mat, í samræmi við leiðbeiningar Landlæknisembættisins.

Mötuneytisráð skipa:

Skólameistari, skólafulltrúi, matreiðslumeistari, fjármálastjóri og jafnréttis- og skólaráðsfulltrúar (fulltrúar nemenda)

Hlutverk neyðarstjórnar er m.a. að stjórna viðbrögðum í skólanum og verkferlum þegar neyð kallar á, s.s. vegna jarðskjálfta eða annarskonar náttúruvár, stórbruna, hættulegra smitsjúkdóma, efnaslyss o.fl.

Neyðarstjórn skipa:

Skólameistari, áfangastjóri, öryggisfulltrúi skólans (umsjónarmaður fasteigna), öryggisfulltrúi starfsmanna og verkefnastjóri UT

Samstarfsnefnd fjallar um stofnanasamning skv. kjarasamningi fjármálaráðherra fyrir hönd ríkissjóðs og KÍ.  Samstarf stjórnunar skólans vegna stofnanasamninga BHM félaga og SFR félaga fer fram við fulltrúa viðkomandi stéttarfélaga.

Samstarfsnefnd skipa:

Skólameistari og tveir fulltrúar kennara.

Gæðastjóri, verkefnastjóri UT, fulltrúi kennara/starfsfólks, stallari og varastallari Mímis (fulltrúar nemenda) og formaður FOMEL (fulltrúin foreldra).

„Ráðherra skipar skólanefnd við framhaldsskóla til fjögurra ára í senn. Í skólanefnd skulu sitja fimm einstaklingar. Tveir eru skipaðir samkvæmt tilnefningum sveitarstjórna og þrír án tilnefningar. Varamenn skulu skipaðir með sama hætti. Nefndin kýs sér formann til eins árs í senn. Áheyrnarfulltrúar eru þrír með málfrelsi og tillögurétt, einn tilnefndur af kennarafundi, einn af nemendafélagi skólans og einn af foreldraráði, til eins árs í senn. Skólameistari situr fundi skólanefndar með málfrelsi og tillögurétt. Hann er framkvæmdastjóri nefndarinnar.

Hlutverk skólanefndar er að:

• marka áherslur í starfi skólans og stuðla að sem bestri þjónustu við íbúa á starfssvæði skólans og tengslum hans við atvinnu-, félags- og menningarlíf,
• vera skólameistara til samráðs um námsframboð skóla,
• staðfesta skólanámskrá að fenginni umsögn almenns skólafundar og fylgjast með framkvæmd hennar,
• veita skólameistara umsögn um árlega starfs- og fjárhagsáætlun í samræmi við niðurstöður fjárlaga og fylgjast með framkvæmd hennar,
• vera skólameistara til samráðs um fjárhæð þeirra gjalda sem skólameistari ákveður,
• vera skólameistara til samráðs um samninga sem viðkomandi skóli gerir,
• vera skólameistara til samráðs um starfsmannamál,
• veita ráðherra umsögn um umsækjendur um stöðu skólameistara.“ (5. gr. laga um framhaldsskóla nr. 92/2008)

Skólanefnd skipa:

Hlutverk skólaráðs er að vera skólameistara til aðstoðar og ráð­gjafar um stjórn skólans, fjallar um starfsáætlun skólans og fram­kvæmd hennar, fjalla um skólareglur, umgengnishætti í skólanum, vinnu- og félagsaðstöðu nemenda. Skólaráð veitir umsögn um erindi frá skólanefnd, almennum kennarafundi, nemendaráði, einstaklingum, skólameistara og mennta­málaráðuneytinu sé þess óskað. Í skólaráði er fjallað um mál sem varða einstaka nemendur. Með slík mál skal farið sem trúnaðarmál.

Skólaráð skipa:

Skólameistari, áfangastjóri, skólafulltrúi, tveir fulltrúar kennara og jafnréttis- og skólaráðsfulltrúar (fulltrúar nemenda).

Við skólann er öryggisvörður og öryggistrúnaðarmaður, sbr. lög nr. 46/1980 með síðari breytingum, en 5. grein þeirra laga segir:

Í fyrirtækjum, þar sem eru 10 starfsmenn eða fleiri, skal atvinnurekandi tilnefna einn aðila af sinni hálfu öryggisvörð og starfsmenn skulu tilnefna annan úr sínum hópi öryggistrúnaðarmann. Þeir skulu í samvinnu fylgjast með því, að aðbúnaður, hollustuhættir og öryggi á vinnustað séu í samræmi við lög þessi.

Nefndin fundar við upphaf vor- og haustannar, þ.e. að minnsta kosti tvisvar á ári en þá er einnig gengið um skólahúsnæðið. Skólinn setur sér ákveðin markmið varðandi öryggi og viðbúnað þar m.a. er fjallað um hvernig bregðast beri við skyndilegum áföllum.

Öryggisnefnd skipa:

Öryggisvörður, öryggistrúnaðarmaður, skólameistari og stallari mynda öryggisnefnd.

Forvarnarfulltrúi

Verkefnastjóri Heilsueflandi framhaldsskóla er einnig forvarnarfulltrúi ML.

Menntaskólinn að Laugarvatni hefur tekið þátt í verkefninu Heilsueflandi framhaldsskóli frá árinu 2011.

Heilsueflandi framhaldsskóli er verkefni á vegum Embættis landlæknis og gengur út á að nálgast forvarnir út frá víðtæku og jákvæðu sjónarhorni með það markmið að stuðla að vellíðan og auknum árangri nemenda og starfsfólks.  Verkefnið gerir framhaldsskólum kleift að marka stefnu, skerpa á aðgerðaráætlunum og forvörnum og mynda þannig ramma um forvarnir og heilsueflingu.

Stýrihópur verkefnisins heldur utan um starfið þessu tengt.

Verkefnastjóri Heilsueflandi framhaldsskóla í ML:

María Carmen Magnúsdóttir

Heilsueflandi framhaldsskóli í ML

Markmið verkefnisins í ML er að auka lífsgæði og bæta líðan nemenda og starfsmanna í skólanum með áherslu á samspil andlegrar, líkamlegrar og félagslegrar líðan í nær- og fjærumhverfi skólans.

Höfuðáhersla verkefnisins er á fjögur viðfangsefni, þ.e. næringu , hreyfingu , geðrækt og lífsstíl.

Viðfangsefni á hverjum tíma og viðurkenningar sem hafa unnist eru:

• Næring, skólaárið 2011 – 2012 – silfur
• Hreyfing, skólaárið 2012 – 2013 – gull
• Geðrækt, skólaárið 2013 – 2014 – gull
• Lífsstíll, skólaárið 2014 – 2015 – gull

Vorið 2018 fékk Menntaskólinn að Laugarvatni Gulleplið, sem er viðurkenning fyrir framúrskarandi heilsueflingarstarf og er veitt árlega til einhvers af þeim skólum sem taka þátt í verkefninu.

Jafnréttisáætlun Menntaskólans að Laugarvatni byggist á lögum um jafna stöðu og jafnan rétt kvenna og karla, nr. 150/2020. Það er stefna skólans að jafnréttismál séu virkur þáttur í starfsemi skólans. Jafnréttisráð beitir sér fyrir því að nemendafélagið MÍMIR hafi skýra jafnréttisstefnu og virka jafnréttisáætlun.

Jafnréttisfulltrúi ML:

Freyja Rós Haraldsdóttir 

Hlutverk framhaldsskóla er að stuðla að virkni nemenda í lýðræðisþjóðfélagi og búa þá  undir þátttöku í atvinnulífinu og frekara nám. Það er því stefna Menntaskólans að Laugarvatni að styðja nemendur í því að taka þátt í íslensku samfélagi í rituðu og mæltu máli á sem flestum sviðum. Málstefna Menntaskólans að Laugarvatni þjónar þessum markmiðum.  

Málnefnd skipa:

Skólameistari, gæðastjóri og íslenskukennari.

Málstefna ML er unnin og endurskoðuð af málnefnd.

Kynningarnefnd skipa:

Skólameistari stýrir kynningarmálum sem stendur

Skólameistari, námsráðgjafi, skólaritari, verkefnastjóri UT, vef- og markaðsfulltrúi Mímis.

Hlutverk umhverfisnefndar er að huga að öllum þáttum sjálfbærni í skólanum og vinna áfram í anda grænfánaferkefnisins, en skólinn tók við grænfánanum, í byrjun september 2011.

Umhverfisnefnd skipa:

Foreldraráð og stjórn Foreldrafélags Menntaskólans að Laugarvatni

Tilgangur félagsins er að auka fræðslu um hinsegin málefni í skólanum og að veita hinsegin nemendum skólans stuðning.  

Formaður Hinseginfélagsins Yggdrasils ML: Melkorka Álfdís Hjartardóttir

Starfsmenn sem eru félagar í KÍ eru einnig félagar í Kennarafélagi ML.

Formaður Kennarafélags ML:  Jón Snæbjörnsson

Trúnaðarmaður: Vera Sólveig Ólafsdóttir

Stjórn Mímis samanstendur af 10 embættum, í sumum embættum eru tveir, sem gera 14 stjórnarmeðlimi samtals. Mímir heldur utan um margs konar tómstundarklúbba og sér um alls konar viðburði innan sem utan skólans.

Heimasíða Mímis

Stjórn Mímis skipa:

Nemendasamband Menntaskólans að Laugarvatni, eða NEMEL eins og það er oftast kallað, var stofnað þann 16. júní 1965.  Markmið félagsins er að efla kynni milli eldri og yngri stúdenta frá Laugarvatni, stuðla að vexti og viðgangi skólans og standa vörð um hagsmuni hans og sögu.

Nánar um NEMEL.

Starfsmannafélag Menntaskólans að Laugarvatni (STAMEL) er starfrækt í ML og eiga allir starfsmenn Menntaskólans að Laugarvatni kost á að ganga í félagið.  Markmið félagsins er að efla samstarf og samvinnu meðal starfsmanna ML og stuðla að auknum félagslegum samskiptum.

Formaður Starfsmannafélags ML: Karen Dögg Bryndísardóttir