DANS2MO05 – Málfræði og orðaforði

Í þessum áfanga er áhersla lögð á lestur og hlustun fjölbreyttra texta til að auka lesskilning og orðaforða. Nemendur vinna hlustunaræfingar í tengslum við lesna texta, kvikmyndir, samfélagsmiðla og þætti. Undirstöðuatriði danskrar málfræði eru rifjuð upp. Auk þess er lögð áhersla á hæfni- og leikniviðmið í málfræði fyrir framhaldsskóla. Mikil áhersla er lögð á að þjálfa nemendur í munnlegri tjáningu og hlustun. Sérstökk áhersla er lögð á námstækni í tungumálanámi.