ÍSLE3RD05 – Nútímabókmenntir

Í áfanganum er viðfangsefnið íslensk bókmenntasaga frá miðbiki 20. aldar til dagsins í dag. Nemendur kynnast helstu straumum og stefnum tímabilsins og lesa eina veglega nútímaskáldsögu auk annarra valinna verka frá tímabilinu og/eða brota úr verkum. Þá fá nemendur þjálfun í að setja fram rökstuddar skoðanir sínar á bókmenntum og fjalla gagnrýnið um inntak þeirra á fjölbreyttan hátt.  Nemendur lesa fræðigreinar sem tengjast efninu og skrifa heimildaritgerð.