Brautskráning stúdenta og skólaslit vorið 2012, verða þann 26. maí n.k. Hátíðardagskrá hefst í íþróttahúsinu kl. 14:00 og er áætlað að dagskráin standi til tæplega 16:00. Þá tekur við myndataka stúdentahópsins og um leið hefst kaffisamsæti í matsal skólans, sem viðstöddum er boðið til.
Það er gert ráð fyrir að 14 nýstúdentar verði brautskráðir af félagsfræðabraut, 3 af málabraut og 15 af náttúrufræðabraut. Eins og ávallt má búast við fjölmenni við brautskráninguna; aðstandendum nýstúdenta, júbilöntum og öðrum velunnurum skólans.
Um 200 júbilantar halda um kvöldið sína hátíð í skólahúsnæðinu og munu flestir þeirra gista á heimavistum um nóttina. Samkvæmt venju bjóða síðan skólameistarahjónin þeim öllum í morgunverð í Garði daginn eftir.
hph/pms