Brautskráning stúdenta og skólaslit, sem hefjast áttu kl. 14:00, laugardaginn 30. maí n.k., hafa verið færð fram um þrjár klukkustundir og hefst dagskrá kl. 11:00.
Ástæða þessa er, að verðandi nýstúdentar fljúga utan síðdegis þennan dag. För var flýtt vegna verkfallsboðunar dagana 31. maí og 1. júní. Verkfall þessa daga myndi raska ferðaáætlun hópsins svo um munaði.
Skólinn ákvað að taka tillit til þessa og því varð úr að tímasetningu brautskráningar er flýtt um nokkra klukkutíma.
Útskriftarhátíðinni lýkur um kl. 12:30 og í framhaldi af henni er, svo sem venja er, boðið til kaffisamsætis í matsal skólans.
Hátíðakvöldverður júbílanta verður með sama sniði og á sama tíma og venja segir til um.
hph/pms
