Elsti árgangurinn í leikskólanum og fyrstu tveir bekkir grunnskólans taka þátt í útiskólaverkefni, sem er hluti að samræmdu starfi sem unnið er að, eftir að grunnskóli og leikskóli á Laugarvatni hafa verið sameinaðir. Útiskólanemarnir komu í bókasafnið í morgun ásamt Dröfn Þorvaldsdóttur og Margréti Harðardóttur, kennurum sínum. Þarna var spilað, lesið og hvílt. Tveir miklir áhugamenn um dráttarvélar sökktu sér ofan í fræðibækur um þetta uppáhaldsefni.
Svo var haldið í skógarferð.
-pms
