Þ
að var stuð í íslensku 473 áðan þegar nemendur í 3N spiluðu málsháttaspil. Leikið var í tveimur hópum, nemendur drógu spjöld með fyrri eða seinni parti og markmiðið var að fá samstæðu. Sá nemandi sem náði flestum samstæðum vann. Á öðru borðinu fékk Emil Sigurðarson 4 málshætti en á hinu borðinu deildu þau Elínborg Anna, Hildur Guðbjörg og Viðar málsháttasnillingar sigrinum. Þetta var skemmtilegt uppbrot frá hefðbundinni kennslu og ágætis undirbúningur fyrir páskana og málshættina sem þeim fylgja.
Hér eru dæmi um málshætti sem unnið var með:
Bók er best vina
Hverjum þykir sinn fugl fagur
Ekki er sopið kálið þó í ausuna sé komið
Glöggt er gests augað
Tímarnir breytast og mennirnir með
Oft verður góður hestur úr göldum fola
Öll él birtir upp um síðir.
Ég þakka 3N fyrir ánægjulegan tíma
Aðalbjörg Bragadóttir íslenskukennari.
