Stærðfræðikeppni framhaldsskólanema fór fram þriðjudaginn 9. október síðastliðinn.
Alls tóku 129 nemendur þátt á neðra stigi og 212 á efra stigi úr 20 framhaldsskólum á landinu.
Tveir nemendur við Menntaskólann að Laugarvatni voru á meðal nemenda í efstu sætum á neðra stigi.
En þetta árið voru það nemendur úr Kvennaskólanum í Reykjavík, Menntaskólanum á Akureyri, Menntaskólanum við Hamrahlíð, Menntaskólanum að Laugarvatni, Menntaskólanum í Reykjavík og Verzlunarskóla Íslands er unnu sér inn þátttökurétt í lokakeppni sem fram mun fara í mars 2019.
Nemendur ML er unnu sér þátttökurétt í lokakeppninni eru Gunnheiður Guðmundsdóttir og Sindri Bernholt í 1N.
Meðfylgjandi eru myndir er kennari tók við verðlaunaafhendingu í Háskólanum í Reykjavík.
Jón Snæbjörnsson raungreinakennari
Sjá einnig heimasíðu keppninnar og FB síðu:
