Verðlaun afhent fyrir Lífshlaupið

Á föstudag voru afhent verðlaun fyrir góðan árangur í Lífshlaupi framhaldsskólanna, en ML náði þar góðum sigri. Skólameistari, Halldór Páll Halldórsson og tveir nemendur, þær Eyrún Lind Árnadóttir og Árný Magnúsdóttir veittu verðlaununum viðtöku fyrir hönd skólans. Á meðfylgjandi mynd eru þau í fremri röð, vinstra megin. Þetta er fréttatilkynning sem var send út af þessu tilefni þessu:

Lífshlaup framhaldsskólanna er heilsu- og hvatningarverkefni á vegum Íþrótta- og Ólympíusambands Íslands. Í verkefninu eru nemendur og starfsmenn framhaldsskóla landsins hvattir til að auka sína daglega hreyfingu eins og kostur er. Verkefnið fór fram í annað sinn dagana 3.-16. október 2013. Alls voru 10 skólar sem tóku þátt með 1774 þátttakendur. Verðlaunaafhending fór fram í hádeginu í dag í Íþróttamiðstöðinni í Laugardal. Þeir skólar sem náðu bestum árangri í sínum flokki fengu afhentan viðurkenningarskjöld.

Samstarfsaðilar Íþrótta- og Ólympíusambands Íslands í Lífshlaupi framhaldsskólanna eru mennta- og menningarmálaráðuneytið, Embætti landlæknis og Advania.

Úrslit má sjá hér að neðan.

Úrslit í Lífshlaupi framhaldsskólanna í hverjum flokki fyrir sig voru:

0 – 399 nemendur og starfsmenn

*Alls voru 3 skólar skráðir til leiks í þessum flokki

400 – 999 nemendur og starfsmenn

*Alls voru 2 skólar skráðir til leiks í þessum flokki

1000 o.fl. nemendur og starfsmenn

*Alls voru 5 skólar skráðir til leiks í þessum flokki

-pms